அருள்மிகு கல்யாண வெங்கடரமண சுவாமி திருக்கோயில், கரூர் - 639005, கரூர் .
Arulmigu Kalyana Venkatramanaswamy Temple, Karur - 639005, Karur District [TM025303]
×
Temple History
புராண பின்புலம்
ஒரு காலத்தில் சோமசர்மா எனும் பக்தர் ஒருவர் தனது மனைவியோடு இல்லறம் எனும் நல்லறத்தை நடத்தி வந்தார். அவர்களுக்கு மகப்பேறு இல்லாதது பெருங்குறையாக இருந்தது. அவர்கள் நியமத்துடன் பல விரதங்களை மேற்கொண்டனர். ஒரு நாள் நள்ளிரவில் அவர் தியானம் செய்து கொண்டு இருந்த போது, நாரதர் அவர் முன் தோன்றி, முற்பிறவிப் பாவம் தொலைய திருப்பதி யாத்திரையை நீ மேற்கொள்வாயாக என ஆணையிட்டு மறைந்தார். சோமசர்மாவும் அவரது மனைவியும் திருப்பதிக்கு நடந்து செல்லும் வழியில் காவிரியில் புனிதநீராடி பூசைகள் செய்து பிறகு, தியானத்தில் ஆழ்ந்திருந்தனர்.
அப்பொழுது நாரதர் அவ்விருவர் முன்பு மீண்டும் தோன்றி காவிரிக்கரையோரம் நடந்து அமராவதி ஆறு காவிரியுடன் கலக்குமிடம் செல்லுங்கள். அங்கே சிலர் உங்களை வரவேற்று அவர்களது இருப்பிடம் அழைத்துச் செல்வர்....ஒரு காலத்தில் சோமசர்மா எனும் பக்தர் ஒருவர் தனது மனைவியோடு இல்லறம் எனும் நல்லறத்தை நடத்தி வந்தார். அவர்களுக்கு மகப்பேறு இல்லாதது பெருங்குறையாக இருந்தது. அவர்கள் நியமத்துடன் பல விரதங்களை மேற்கொண்டனர். ஒரு நாள் நள்ளிரவில் அவர் தியானம் செய்து கொண்டு இருந்த போது, நாரதர் அவர் முன் தோன்றி, முற்பிறவிப் பாவம் தொலைய திருப்பதி யாத்திரையை நீ மேற்கொள்வாயாக என ஆணையிட்டு மறைந்தார். சோமசர்மாவும் அவரது மனைவியும் திருப்பதிக்கு நடந்து செல்லும் வழியில் காவிரியில் புனிதநீராடி பூசைகள் செய்து பிறகு, தியானத்தில் ஆழ்ந்திருந்தனர்.
அப்பொழுது நாரதர் அவ்விருவர் முன்பு மீண்டும் தோன்றி காவிரிக்கரையோரம் நடந்து அமராவதி ஆறு காவிரியுடன் கலக்குமிடம் செல்லுங்கள். அங்கே சிலர் உங்களை வரவேற்று அவர்களது இருப்பிடம் அழைத்துச் செல்வர். அங்கே பகவான் பேரருள் பெற்று உங்களது வேண்டுகோள் நிறைவேற்றப்படும் என்று கூறினார். தம்பதியினர் அமராவதி கூடுதுறையை அடைந்தனர். அங்கு உள்ள கல்தச்சர்கள் தம்பதியரை அன்புடன் வரவேற்றனர். அவர்கள் சோமசர்மாவைக் குருவாக ஏற்றுத் தமது இருப்பிடத்திற்குச் சகல மரியாதைகளுடன் அழைத்துச் சென்று தங்கச் செய்தனர்.
மறு நாள் அனுஷ்டானம் முடித்து சோமசர்மா கல்தச்சர்களை அழைத்துக் கொண்டு மலைக்குச் சென்று, கல் வேலையின் நுட்பங்களை அவர்களுக்குச் சொல்லிக் கொடுத்தார். பாறை ஒன்றைப் பிளந்த போது அசரீரி ஒன்று (வானொளியாக) சோமசர்மாவை பார்த்து உனது மனைவியையும் அழைத்துக் கொண்டு நாளை இம்மலைக்கு வா என்ற ஆணையிட்டது (அவ்வாறு பிளந்த பாறை இன்றும் பெருமாள் சன்னதிக்கு வடக்குப் பக்கத்தில் காணத்தக்கதாக உள்ளது.)
மறு நாள் சோமசர்மா தனது மனைவியையும் கல்தச்சர்களையும் அழைத்துக் கொண்டு மலையை வலம் வந்தார். மூன்றாவது சுற்று வரும்போது மலையின் மேற்புறத்தில் நட்சத்திரத்தைப் போன்று ஒளி ஒன்று தென்பட்டது. இதனை கண்டு அவர்கள் பெரும் வியப்படைந்தனர். பின்னர் அவர்கள் ஒளி வந்த திசையிலேயே சென்று கொண்டிருந்த போது மலையில் பிளவு ஏற்பட்டு, அதிலிருந்து அருள்மிகு திருப்பதி வெங்கடேசப் பெருமாள் தோன்றி அத்தம்பதியர்க்கு காட்சி கொடுத்தார். மேலும், நான் இம்மலையில் நித்யவாசம் புரிவேன் என்னை நாடி வரும் பக்தர்களின் வேண்டுகோளை நிறைவேற்றி அவர்களுக்கு அருள் புரிவேன் என்று திருவாய் மலர்ந்தருளினார்.
